ائمه جی لر:

بو سؤزو ائشیت میسیز و اونون آنلامین بیلیسیز آمما ائمه جی یالنیز هانا(گبه) توخوماغدا دگیل آیری ایشلرده ده یاردیم و کؤمک ائده رلر:

1-     اوت درمه یده: یایدا اوت بیچینینده ایه ر بیر نفرین توانی اولماسا اوندا کندیده ن بیر عیده ییغیلیب اونا کؤمگه گوده رلر و ایه ر مریض اولسا اونون اوتون دریب گتیریب تایا ائده ر لر.

2-     زمی درمه یده: ائله اوسته کی تک.

3-     کوم کسمه یده: کرمه کسمه یده، قیشده داواری کوملره سالیب و اولاری گئجه گوندوز اوردا ساخلارلار و اوت یئم وئره رلر اولار اوردا قیغلاییب و ایاغلاییب یئره یاپیشدیرارلار، بیر آز کئچه نده ن سورا بیر باسمالیق تک اولار و دییه رلر: "کوم دولوب" اوندا نئچه نفره خبر ائده رلر اولاردا فورغون گتیریب ائو یییه سینه کؤمه ک ائدیب بیری سال –سال کسه ر و قالانی دا داشیییب او ائوین قره یئریسینده ییغین ائده رلر، سونرا بیر ائونه ناهار یا شام یئییب گئده رلر.(قره یئری: کندیده بیر ائوین تایا قالاغ و ... ییغه ن یئری، ییغین: کرمه نی بیر بیرینین اوستونه چال کئچیرد ییغمه ک، شکیل)

4-     هانا توخوماغدا:بو کی بللی دیر.

5-     جیرجیر درمه ک: بیر دام دوزه لده نده اونون اوستون باسدیرماغا بیر چئشید گوه ن دره رلر او یئکه بیر گوه ن دیر و درمه گی بیر آز چتین دیر اونا گؤره نئچه نفر دام صاحابینان صوبح تئزده ن هاوا آلا تورادان هره سی بیر قازما ایله و نئچه ائششه گیله گوه ن درمه گه گئده رلر. بو گوه نه جیرجیر دییه رلر.

6-     دام قره له مک: دامین تیر و پردی سین اویوشدوراندان سورا اوستونه شاخ-شول و جیرجیر دوزه رلر، سونرا اونون اوستونه زیغ یاخماغا کندیده هر کیم کی الی بوش اولا و ایش گؤره ن بیر بئل اله آلیب گله ر کؤمه گه و بو گلمه گه چاغیرمازلار. ایش قوتولاندان سورا بیر ائونه چؤره ک یئییب گئده رلر.

7-     اؤرکه ن توخوماق: اؤرکه ن توخوماغدا دا هر خانیم باشارسا کؤمه گه گله ر.

8-     خرج چؤه گی و تؤره نلر چؤره گی پیشیرمه کده: کندیده بیر نفر ایمام خرجی وئرسه کندیده بیر نئچه خانیمی چاغیریب یا اولارا اون گؤنده ره ر چؤره گ پیشیره لر. و اوجوردو توی اولا، اؤلوم زاد اولا

9-     داوار قیرخمه گده

10- خرمن دؤیمه کده، کولشی خرمن کوفا تؤکمه گه

11- آغیر قوناقلیق لاردا یئمه ک پیشیرمه گه

12- جوت سورمه گده و ...

خاشیل یئمه ک، خاشیل پیشیرمک،هاللالاما: اوتو گتیریب ییغیب تایاتی باشا وئره نده اونون باش باغلاماسینا گؤره شاما خاشیل پیشیره ل-له ر و هر ایش قوتولسا دییه رلر بو گون هاللالامادی وبوردان خاشیل پیشیرمک بیر زادی قوتورماق آنلامیندا ایشله نیر.

1-     دئییرلر: بیر گون یازدا آتالاردان بیری آتی ایله ن کؤیشه نده دولانیرمیش بیرده یاغیش توتور نجور یاغیش اؤز دیلیمیز "خوس-خوسو" ائله کی دییه سن ایندی آدامی ییرته ر، آتین چاپیر اویانا-بویانا بیر یئر تاپا، بیرده ن بیر دالداناجاق گؤرور ائله بیل کی کؤیولدور آتینان گیریر اورا گؤزله ییر یاغیش قوتولور و هاوا آچیر چیخیر چؤله، بیله سینه بورا تانیش گلمیر دئییر من بورانی گؤرمه میشم دیقت له باخیر گؤرور بیر یئکه گؤبه لکدیر.

2-     بیزیم کندیده بیر قوجا، اجیرلی ماحالینا تویا گئدیرمیش ناهاردان قاباق آتین مینیر یولا دوشور، یول چوخدو بیر جار گئده نده ن سورا یورغونلوقدان یوخوسا گلیر دئییر توشوم بوردا بیر گؤز قیزدیریم و مورگو ووروم بو آتدا بیر ایکی آغیز اوتلاسین سورا گئدیم.یاتیر دورور گؤرور آز قالیب گون باتا و آتداندا خبر یوخدور، اویانا-بویانا آتی تاپمیر دئییر اولوکی آت کنده قاییدیب گئدیم تویا، گئدیر او کنده چاتیر آمما تویدان خبر یوخدور هامی دئییر به کیشی نییه ایندی گلیرسن توی دونه ن ایدی دئییر بابا من ائله تویا گلمیشه م مه یه ر بویون جوما آخشامی دگیل دئییرلر کیشی هارداسان؟بو گون جوما(جمعه)دیر قوجا تزه بیلیر بیر گون یاتیب.