ایل و گون بؤلوملری

1. یاز
2. یای
3. پایوز
4. قیش

1.            بایرام گونو: ایلین ایلکی گونو

2.            دهریزه: ایلین ایلکی اون گونو

3.            ائرمنی کیفری: ایلین 10 نوندا 25 نه جاق

4.            یازین قیرخ بئشی: یازدان 45 گئده ن و دییه رلر بو گونده قاردا یاغار و آتابابالار دئییب لر : اوت قیشه سامان قیرخ بئشه= بئله کی گره ک یازین قیرخ بئشینه جاق گره ک حئیواناتا زومار ساخلایاسان.

5.            یازین 60: بو گونده یاغیش یاغار و بو یاغماق اکینه جه گه و یئره چوخ گره کلی دیر.

6.            قوزو داغا گئده ن: هاوا یاخچی اولسا 60 دان قاباق و سویوق اولسا 60 دان سورا، آمما قوجالار دییه رلر گره ک 60 دان سورا اولا و من اؤزوم نئچه دؤنه گؤرموشم 60 دان قاباق داغا گئده ن سورولر 60 دا هاوانین چوخ سویوقلوغوندان کنده قاییدیبلار.

7.            داوار قیرخیله ن: یازین سون گونلری

8.            یاز چیخان= گون قیزان

9.            اوتا چیخان: یازدان بئش و یا اون گون قالان

10.        قوچ قاریشان: یایدان 20 گئده ن

11.        هورا (تکه) قاریشان: یایدان بیر آی گئده ن

12.        اوت بیچینی: یازین سونوندان یایدان 20 گئده نه جاق

13.        خلوه ره چؤنه ن: اوت بیچینی قوتولاندان سورا اولاری نئچه گون ائششه گیله داشیییب کنده گتیریب و تایا ائده رلر.

14.        بیچین چاغی: خلوه ر قوتولاندان سورا آرپا بوغدا درمه گه باشلارلار و اگر بوغدالار یئتیشمه سه نئچه گون دؤزوب و یا آوار-اووار(تیر-تیکان) دره رلر، آمما زمی لر وقمه یاخین اولسا خلوه ری ده ترگیدیب بیچینه گئده رلر.

15.        زومار آیی: یایین سون آیی

16.        چوبان چیخه ن: بو چاغدا یای چوبانلارینین مدتی قوتولوب و پایوز چوبانی دانیشارلار. یای دان 10 قالان

17.        داوار داغا گئده ن: پایوز چوبانین توتاندان سورا سوت اولمویان داوارلاری چوبان ییغیب داغا آپارار و بیر آز کئچی و یا کؤرپه داوارلاری کندیده نوباتی ایله اوتارارلار.

18.        یئللی آی: پایوزون ایلکی آیی

19.        پایوزون قیرخ بئشی: بوردا سورو داغدان کنده قاییدار

20.        قار یاغان: آذر آیی

21.        داوار یاتان: بو چاغدا قار یاغیب کؤیشه نی توتار و داهی داوار چؤله گئدمه ز و ایچه ریده اوت وئره رلر و بو آذرین سونوندا اولار.

22.        چیلله گئجه سی: یلدا گئجه سی

23.        بؤیوک چیلله: قیشین 40 گون اولی

24.        خیرده چیلله: بؤیوک چیلله ده ن 20 گون بایرام آیی نا جاق

25.        بایرام آیی: اسفند (آقا ...یکدیم آیی: بونو قدیم نوکرلر دییه ردیلر ائله کی بو آیدا اولارین قرارلاری باشا چاتیردی)

26.        کورد اوغلو چؤلده قالان: بایرام آیی نین 17 سی: بو گونده یئره نفس گله ر و دییه رلر اگر بو گون آغ یئل اولا و یا قره بولوت گله او ایل خوش اولار و جوت لر یاخچی چیخه ر و اگر بو گون دومان باسسا ایل خوش دگیل.

27.        ایلین سون چرشنبه سی: چارشنبه سوری

هفته گونلری

1. قره آغاج بازاری (شنبه)
2. سوت گونو(یکشنبه)
3. دوز گونو (دوشنبه)
4. ایستی سو بازاری (سه شنبه)
5. مریان بازاری (چهارشنبه)
6. جوما آخشامی (سه وه رلی بازاری) (پنج شنبه)
7. جوما گونو (جمعه)