ظۆلم آباد کندی

بیر اوْن گۆن چاراوْیماغا، کندیمه گئتدیم، بۇ گئدیشده بیر چوْخ فوْلکلوْریک مطلب‌لر اله گتیرمیشه‌م و بیر نئچه گؤزه‌ل سؤزجۆگ و آتالار سؤزو و ائله‌ده چاراوْیماغا گؤره بیر ایکی مطلب و آمار و بۇ آرادا کندیم‌ده بیر قوْجا کیشی‌ایله دانێشێب اوْندان گؤزه‌ل ناغێل و سؤزلر آلمێشام.

قره‌آغاجا قایێداندان سوْرا بیر سایێن یوْلداشلا قۇش‌قوْوان کندینه گئدیب و اوْرادا ایکی کیشی‌ایله دانێشْب چوْخ بیلگیلر اله گتیرمیشیک.

سوْنرادان نصیر کندی آدێله بیر خارابا کنده گئدیب نئچه فوتو گؤتۆرمۆشم و ائله‌دی اؤز کندیمیزده‌ن و بیتگی‌لرده‌ن

ایستیره‌م بیتگی و کندیمیزده ‌اوْلان آینوْیێنلارین شکلینین اۆسته آد یازام و فوتو دیکشنری کیمی بیر زاد وبیمه قویام.

بیر ایکی گۆن قره‌آغاجدا اوْلاراق چوْخ سؤزلر یازمێشام و بۇ سؤزلر بیر کندیده‌ن دگیل بلکه نئچه کندیده‌ن اوْلوب و اوْلاری دانێشیقدا یازمێشام

سوْن گله‌ن گۆنده قره‌آغاجدان تبریزه ماشێندا بیر ظۆلم‌آبادلی کیشی‌ایله – کابلا رحیم مردی- دانێشمادا بیر نئچه سؤز یازمێشام، ایندی اوْلارێ وبه قوْیۇرام

ظۆلم آباد کندی قره‌آغاج-گؤیجه‌قالا یوْلۇندا بیرینجی کند اوْلاراق حدوددا 4-3 کیلومتر قره‌آغاجدان آراسی وار. بۇ کندین 26 ائوی و 175 باش جمعیتی وار.بۇ کنده نئچه ایل بۇندان قاباق ایسلام آباد آدێ وئریلمه‌گه باخمادان هامی اوْنۇ ظۆلم آباد تانێیێر و دییه‌رلر بۇ کندی ایشله‌یه‌نده خانێ چوْخ ظۆلم ائدیب ائله کی کیشی لر اؤکۆز یئرینه بوْیۇنلارێندا داملارێن تیرلرین اۇزاق یئردن چکیب گتیریبلر. بۇ کندین یئرلرینده چوْخلۇ بۇغدا و نوْخۇد اکه‌رلر. دییرلر نئچه ایل بۇندان قاباغاجاق بۇ کندیده چوْخلۇ گۆنه‌باخان اکه‌ردیلر. بۇ کندین قارامالێ دا چوْخ اوْلار.

بۇ کندین یئرین گۆگئل‌ائرث‌ ده یانلێش گؤسترمه‌گه گؤره آشاغێدا اوْنون دۇزگۇن یئرین یاشێل جیزگی‌ایله چکمیشه‌م. قیرمیزی جیزگی قره‌آغاج-گؤیجه‌قالا یوْلۇدور

گیرگي ائله‌مک: (girgi eləmək) به دل گرفتن، کینه‌ای شدن

گیرگي چکمه‌ک: (girgi çəkmək) حسودی کردن، حسادت کردن

لئره: (lerə) لب، چکیده

منی کۆلش‌دن سالدێ: (məni küləşdən saldı) مرا از نفس انداخت، توانم را برید.، منی ایاقدان سالدی

یئرده میتیل قالدی: (yerdə mitil qaldı) بی‌حرکت روی زمین افتاد، در دعوا که کسی را بزنند بیفتد و نتواند بلند شود گویند، بی‌رمق افتادن

دیشی چکیلدی: (dişi çəkildi) قدرتش از دست رفت، بی‌حامی شد، قدرت بدنیش و یا یار و اعوانش را از دست داد

آند اوْلسۇن گؤی آتلێ ابوالفضل‌ــه: (and olsun göy atlı əbəlfəzlə) آند دیر، گویا اسب حضرت ابوالفضل(ع) سیاه و سفید بوده است.این قسم در منطقه خیلی رایج است. و تلفظ سریع آن گؤیه‌تلی... می‌باشد.

آغاجا دوْلانماق: (ağaca dolanmaq) چماق بدست گرفتن، زوْغال اله آلماق

کۆره‌ک-کۆره‌گه: (kürək-kürəgə) پشت به پشت هم، حامی، آرخاباآرخا

حق علی(ع) دن قالێب: حق از علی مانده است.

الی یئری‌ییر: (əli yeriyir) دستش تو کاره،نفوذ داره

حقی یییه‌نین قاباغێنا چیخه‌ر: (həqqi yiyənin qabağına çixər) هر کس حقی را نادیده گیرد روزی چوبش را می‌خورد.

سؤزه اۇتانمێر: (sözə utanmır) برای حرف گفتن و رک جواب دادن خجالت نمی‌کشد.

قار یئرین یوْرغان دؤشه‌گی‌دیر: (qar yerin yotğan döşəgidir) اگر برف نبارد سرمای زمستان به زمین و خاک آسیب می‌زند. مثل امسال

ظۆلم‌آباد کؤیشه‌نین‌دن بیر نئچه آد:

·      قانقاللێ: (qanqallı) بیر چئشید کنگه‌ر و تێکان آدێنا قانقال دییه‌رلر

·      تیره‌لر (tirələr)

·      دۇزداق (duzdaq)

·      بئش قریچ: (beş qəriç) بئش قریش، بئش قارێش

·      رمضان دره‌سی (rəməzan dərəsi)

·      یسوْولي دره‌سی: (yəsovlı dərəsi) قوْنشۇ کندین آدی‌دیر، دۇزو یاسوْولێ اوْلابیله‌ر

·      آغاج باشێ (ağac başı)

·      بیره‌لی: (birəli) چووخ کندیده بۇ تهه‌ر بیر یئر وار نئجه‌کی بۇ یئرلر چوْخلۇ داوار ارخه‌چی یوْخسا یاتاغێ اوْلار

·      نوْخۇدلار دره‌سی: (noxudlar dərəsi) بیزیم کندیده بۇ آدلا بیر یئر وار و بیر آز شوْر کیمین دیر و جالێب بۇ کی بۇیئرین آلتی بۇتۇن گچ داشی‌دیر

·     یاریم‌آقچا: (yarımaqça) بۇنو تئز دئییم ده یارماقچا دئییرلر

·     قۇربان یۇردو (qurban yurdu)

·     چره‌ک-سی‌یه (çərək-siyə)

·     قۆزئی: (qüzey) اوْرتاق بیر آد دیر، چوْخ کندلرده واردێر، اک‌ایله‌ن و اؤنه‌ک‌ایله‌ن: اتک قۆزئی‌لر، تک قۆزئی، قۆزئی‌دالێ

·     یسوْولی چایێ (yəsovlı çayı)

·     آلچێ قاباغێ (alçı qabağı)

·     چۇرخۇرچالا (çuxurçala)

·     قێزدیرما اوْجاغێ (qızdırma ocağı) قێزدیرما بیر داوار آلێزلیغی (مریضلیگی) دیر

·     گۆل ارخي (gül ərxi)