عربعلی
بۇ آدێ چاراوْیماغێن گۆنئی باتێ پاراسێندا ائشیدیلهن بیر آد دیر.
کیمیدی؟
اوْ گؤیجه قالا کندینده آنادان اوْلۇب، ایشی آلێش-وئریش ایمیش، ائله کی گئدیب شههردهن ور-وساییل گتیریب کندلرده ساتاردی اوْ اۇجا بوْی و کؤندهورلی بیر ایگید ایدی. و ائله اوْ گنج چاغێندا شۆکۆرخانێنان مایێز دۆشۆب خانێن کندین چاپماق قاباغێندا دایانێب و شۆکۆرخانێ جانا گتیرمیشدی و ائله اوْنا گؤره ده خان اوْندان اۆرهک کدیرلیدیر
شۆکۆرخان اؤزۆ قوْجا کندینده اوْتوراردی و عربعلینین قوْرخۇسۇندان گؤیجه قالا کندینه ائله گئدهنمیردی و اوْردان ائله وئرگی زاد آلانمێردی. انجاق عربعلییهده ائله دۆزگۆن باتێشانمێردی.
بیر گۆن عربعلی چرچیلیک وسایێلی آت اۆسته آخشام باشێ قوْجا کندیندهن کئچهرهک، خان اوْنو گؤرۆب شاما چاغێردێ آمما عربعلی قابۇل ائتمهییب یوْلۇنا داوام وئردی. خان اۇجادان سسلهندی:
عرب! قوْرخۇسان وسایێلێنێ اوْغۇرلایاق؟
عربعلی بیر دۇرۇب. سۇسدۇ
اوْ خاندان چکیلهردی آمما هئچ چاغ بۇنۇ دۆشۆنمهزدی:
خان اوْنۇن باشێنا اوْیۇن گتیره.
عربعلی قایێدێب خانێن قاپێسێندا آتدان دۆشدۆ. نوْکر آتێ چکیب. اۆستۆندهن وسایێلێ گؤتۆردۆ.
عربعلی خانێنان اوْتاغا گیریب چای چؤرهگ یئییب، دانێشماغا باشلادی
خان آنجاق هردهن عربه طعنه سوْخۇشدۇرۇردۇ. عربعلی بۇ چاغدا خانێن جاوابێن وئرمهگه اؤزۆنده چوْخ قوْرخمازلێق گؤرۆردۆ. ائله اوْنا گؤره خانێن جاوابلارێن آچێق-آچێق وئریردی.
بیردهن نوْکرلهرین بیری تلهسیک اوْتاغا گیریب دئدی:
عرب آقا آتلار تؤیلهده قارپێشێرلار نه ایززاح ائدیریک آیرێلمێرلار. سیز گلیب آتێزی آیێرا بیلهرسیز.
عربعلی یئردهن شسلی دۇرۇب: نئجه کی آتلار تپیکلهشیرلر، به سیز اوْردا نه ایش گؤرۆردێزع نییه آیێرمادێز
نوْکر: آقا واللا بیز چوْخ چالێشدێک اوْلمادێ
عربعلی تئز اؤزۆن تؤیلهنین قاپێسێنا یئتیریب ایستهدی ایچهری گیره بدهنی بیر تیترهدی، آتلارێن سسین ائشیتمهدی بیر آز سزیرگهدی، آخی تپیکلهشهن آتلارێن سسی هایێ اوْلار – اوْ آتێن چوْخ ایستهدیکدهن اؤزۆن ساخلایانمادی
بیردهن تپیلدی ایچهری
گیرمهکله تیکهلهنمک بیر اوْلدۇ، کرکی، تبر، شنه و آغاج
وۇرۇن بۇ کؤپؤلۆنۆ
"ای وای" سسی کنده قالخدی، هامی بیلدی نه اوْلۇر، آمما کیمده جرات واردیدی هایا گله؟
اوْ قدر وۇردۇلار عربعلی جاندان دۆشدۆ
بدهنین تیکه تیکه ائدیب تلیسه یێغێب آپارێب موْتالێ داشلارینا باسدێلار
ایکی گۆندهن سوْرا چوْبانلار تیکهلهنمیش بدهنین ایتلر گۆجۆ ایله اوْ داشلارێن آراسێندا تاپدێلار
و قالان خانلار دئییرلر شۆکۆرخان 9 باش آدامێ اؤلدۆردۆ. اوْنۇن نئچه گرۇپ اوْغۇرلۇ و آدامێ وارێدێر.
عربعلی
