یازماغیم دگیل آمما ایل سایارا باخیردیم گؤردوم یازیق بابامین اؤلوم ایل دؤنومودور، او عؤمرونون سون ایللرین قم شهرینده کئچیرتدی، آروادسیز و جاوان اوغول الده ن وئرمیش، چینی لر دییه ر لر: قوجا آغاجین یئرین دگیشسن قورور" و بو بیزیم چوخ قوجالاریمیزین عاقبتی اولدو، گئده نلرین چوخو ایله باش گله ن و بعضی ده ائله 6 آیین ایچینده اؤلدولر.
بابا وطن عشق ایله دیری ایدی هر نه اولسا بؤیوک اوغلو – منیم آتام - کندیده یاشاییردی و او هر ایکی ایلده بیر کنده گلیب یایی کندیده قالاردی، آمما نئچه ایلیدی قوجالمیش دان کنده گله نمیردی و منده ایکی ایلیدی اونون ائوینده درس اوخویوردوم، او ایل آنام پاییزی قوما گلمیشدی و چوخ بابایا –بیز آقا دییه ر دیک- یالواردی کی یایی بیر جور کنده گله و آقا دا قبول ائتمیشدی .
پاییزین سون گونلری بیر گون قاپی دؤیولدو آچدیم گؤردوم کندیمیزین قومدا اولان بؤیوگلرینده ن نئچه سی دیر
-بابان ائوده دیر.
-بلی، بویوروز
ائوه گلیب ایله شدیلر، جاوان ماللامیز دئدی: مشه دی مشد هجه ر بی بی – بابانین بی بی سی ایدی آمما هامی اونا بی بی دییه ردی، کندیده اوغلو ائوینده یاشاردی- دونیا دگیشیب آللاه رخمه تینه گئدیب ، دوعایا گلمیش ایک – اولار ائله بیلیردیلر دا بی بی چوخ قوجا اولماسینا بابا چوخ ناراحات اولماز- بیردن قوجا بابا ائله سسله ندی گل گؤر، ماللا مرثیه باشلادی و هرده ن بابا آغلایاراق خوش حالووا بی بی سسله ییر
ماللا دئدی نییه مشدی و بابا آغلایاراق دئدی و نه خوشدو بوندان کی آدام اؤز کندیده اؤله، خوش حالینا اؤلدو وطنده ...
یایدا اربعین دن قاباغ بابا چوخ ناراحاتچیلیغینان کنده گلیب چاتدی، اربعین کئچدی، 28 صفر گلدی، او گون بابا قارداشی منبرینه شیرین شیرین قولاق آسدی ...
ایکی گونده ن سورا بیر صوبح یئرده ن دورمادی مریضم دئدی، و صابا آخشام جانین آللاهینا اؤز دوغولموش یوردوندا قایتاردی و نه عجب او ایل هامی اوزاق دا اولان فامیل لر کنده گلمیشدیلر و بابا اولارین هامیسین گؤردو، یالنیز قونشو کندلرین بیرینده اولان بیر قارداش قیزین گؤرمه دی، اؤلدو گئتدی و اونا چوخ آغیر بیر تؤره ن توتولدو آمما بو سؤزو هئچ کیمین یادیندان چیخمه دی : "خوش حالینا اؤلدو وطنده" و هامی دییردی: " تورپاق چکدی گتیردی" تورپاق بئله چکه ر
ایندی قوجا قارداشی دا غوربتده یانیر یانیر آمما ندیر " قوجا آغاجین یئرین دگیشسن قورور"
منیم او اوره گی یانیق و یئتیم بابامین اؤلوم گونو 1373 ایلین ائله بو گونونده (18/5) غریب ایمامیمیزین شهید اولان گونو (امام رضا(ع)) اولوب ، آللاه اونا غنی – غنی رحمت ائله سین،
بابام
