خوش گونلریمدن گینه آرتیق شکیلل لر بوردا باخا بیله رسیز:

خوْش گۆنلریم نه تئز کئچدی!! یامان گۆنلریم نده‌ن کئچمیر؟

بیلمیره‌م یۇخۇ ایدی؟ نه ایدی؟ نه تئز کئچدی، بۇ باغدا شیللاغلایێب قاچان گۆنلریم، آت یئملیگی دریب موْزا تۇتان گۆنلریم

ائله اوْلۇکێ یۇخۇ ایمیش! اوْلماسادا آنجاق ایندی بیر یالانا بنزه‌ر، اوْ کئچه‌ن گۆنلریم هاردا کئچیب؟ ایندی هاردایام؟ بۇنۇ دۆشۆنه‌نده کئچمیشیمین یالان اوْلماسێن گره‌ک آنام.

نه گۆنلر ایدی نه آنلار، نه بیر بئله های-هوی، نه یالان چالێشما، ایشله‌یه‌ن هامی، دیشله‌یه‌ن هامی، آنجاق هرکسه‌ن اؤز گۆجۆ قده‌ر، من اۇشاق آریغ-بیزوْ اوْتارمادا، آتا اوْت درمه‌ده و آنا ساغێب پیشیرمه‌ده. بیر الی بوْش آدام یوْخ ایدی، کند اتک باش گؤم-گؤی یازی، آغ آپپاق قیشی، والای والای اۆسته‌ن یایی، گۆز یاغێشێ، تیکان دره‌ن، گوه‌ن دره‌ن، داغدا سۆرۆ قوْیۇن قۇزۇ، قارامال، آت ائششه‌ک

یایدا تایا یێغانلار، بایلێق توْولایانلار، تایا باشێ باغلایاندا خاشێل پیشیره‌نله‌ر، خالوار داشێماق و ...

یازدا قۇزۇ چێخارتماق، یئملیک درمه‌ک، سۇ سۇوارماق، صوبده‌ن آخشاما قده‌ر کؤیشه‌نین گؤم-گؤی قۇجاغێندا چالێشماق و یازێن سوْن گۆنلری داوار قێرخماق، قۇزۇ قێرخماق و بۇلارێن هامێسێندان شیرین بیزوْو اوْتارماق

 آنجاق ایندی دۆشۆندۆکجه گؤرۆره‌م اوْلار کئچدی! دۆشدۆم غۆربته،غۆربت منی یێخدێ.

بۇ یازی کنده گئدمیشدیم، دا اوْ شیرین گۆنلرده‌ن خبر یوْخ ایدی! نه گۆجلۆ یاغێش، نه گؤبه‌له‌ک درمه، نه بیزوْو نه اینه‌ک، نده کندیده صاف آدام

آمما گینه منی قایتاردێ اوْ کئچمیش گۆنلریمه اوْ ایتمیش گۆنلریمه، دۆشۆندۆم اوْ گۆنلریم یالان اوْلا بیلمه‌ز، یالان اوْلسایدێ ایندی بۇ غۆربت منی یێخمێشدێ.

اوْ گۆنلریم یامان تئز کئچدی، ایندی قالمێشام غۆربت الینده، عؤمرۆمو سێخێب، ائویمی یێخێب،چتین گۆنلریم هله قاباغدادێر؛ آخێ منیم کئچمیشیم داغێلماقدادێر، کندیم اۆچۆر ائولر یێخێلێر، ایل به ایل کؤچه‌ن کؤچۆب ایندی اوْن بئش ائولی قالێب، اوْلاردا بیر ایکی ایل قالالار؟ آللاه بیلیر!! یامان گۆنلریمیز گلیر!

کئچمیشیم ایتسه، گله‌جه‌ییم یوْخدۇر، ایندیده اؤله‌جه‌م.

 کیم اینانار منیمده خوْش گۆنلریم وار ایمیش و بۇجۇر کئچیب

ایندی منیم اوْ یازێق کندیمده‌ن بیر نئچه شکیل گؤرۆن، بۇلارێ بۇ یازدا تۇتسامدا آنجاق ائله منیم اوْ کئچه‌ن گۆنلریمده‌ن بیر آزجا گؤسته‌ره‌بیلیر.

ادامه مطلبده شکیل لره باخین:

آچێق قـوْی پنجـه‌ره‌نـی

گـؤزۆم گؤرسۆن گله‌نی

نـئجـه قبـــره قــوْیـارلار

یـار دردینــده‌ن اؤله‌نی

بیزیم درد-قایغێ‌میز قۇرتولوب تۆکه‌نه‌ن بیر نمنه دگیل ایمیش، ائله یالاندان اؤزۆمۆز آلدادێرێق بۆیۆن، صاباح و ...

آنجاق تۆکه‌نه‌ن بیر زاد دگیل بۇ یارا بیته‌ن بیر یارا دگیل؟

غۆربت منی ازیر تؤکۆر، نه یازێم نده‌ن یازێم، اؤلۆم یئتیر، آللاه اؤزۆ رحم ائتسین

بیر یوْلداش بیله‌مه بیر شاهسه‌وه‌ن ماهنی‌سی بولوتوس ائله‌میشدی، منیم اۆچۆن چوْخ اۆره‌ک یاندێران بیر ماهنێ اوْلدۇ، بۇ شنلیگه ده اوْخۇنسان منی آغلادان بیر ماهنی دیر

آنجاق سیزیده بۇ ماهنی‌نی ائشیدمه‌گه چاغێرێرام:

 تویدو دورون بزه نین

بو ماهنی نین آردیندا بیزیم کندیده ن بیر نئچه شکیل گورون:

دونیا آنا دیلی گونونون پوستئری

آمار جمعیت و وضعیت آب آشامیدنی روستاهای چاراویماق PDF

آمار جمعیت و وضعیت آب آشامیدنی روستاهای چاراویماق -WORD  

چاراویماغین پاییزلاشمیش گونلرینده ن بیر نئچه شکیل

 http://www.joshar.blogfa.com/