بۇ اک آدا یاپێشێب "عاییدلیک و نیسبهت بیلدیرمه" روْلۇن اوْینایێر و فعله یاپێشماغێ اۇیقۇن گؤرۆکمۆر، ائله اوْنا گؤره "گؤرسهل" سؤزجۆیۆ تۆرکجه ایله یاراشان دگیل و اوْنۇن یئرینه "گؤرۆمسهل" یوْخسا "گؤرۆنتۆسهل" سؤزجۆیلهر اؤنهریلیر.
مقاله فورمتده دانلود ائدین
کئچهن گئجه شوْخۇم سؤزجۆیۆنه گؤره اسماعیل هادی بهیین "فرهنگ نوین ترکی" کیتابێنا باخێردێم، آنجاق اوْنا گؤره بیر زاد تاپمادێم. بۇ باخێشدا گؤزۆم بۇ ایکی سؤزجۆیه دۆشدۆ:
شارخا، شاققاوات
سایێن بی بۇلارێن بیرینجیسین فارسجایا یاپێشدێرێب و اوْنۇ خالوار، خروار آنلامێندا "چهارخر" و ... کیمی بیلیندیریب. و ایکینجیسین قوی هیکل آنلامێندا "شاخ"دان یانلێش دۆزهلتمه بیر سؤزجۆک یازێب.
ایندی گؤرهک بۇلار ندیرلهر؟
شارخا:
کیمسه کند اۇشاغێ اوْلسا بۇ سؤیلهوی چوْخ ائشدمیش اوْلار:
بیر آرخا (بیر ارخه): بیر زادێن و یۆکۆن بیر کزده بئله آلێب و آپارابیلمهک میقداری؛ یۆک سانێسێ
1. بیر آرخا بۇغدا بوْرج آلدێم
2. اوْن آرخا (ارخه) آرپا اکدیم
3. ایکی ارخه یۆک
4. و...
شارخا=شا+آرخا/ شاه+آرخا
گؤریریک بۇردا یئکه آرخا، بؤیۆک آرخا و آغێر آرخا و ... آنلامێندا اوْلا بیلهر.
شارخا کیمی ترکیب گینه وارێمێزدێر: شاتره، شایۇردۇن، شایۇردۇ (چاراوْیماقدا بیر بؤیۆک ائلات یئیلاغێ دێر)
شاققاوات:
1. اوْنۇن شاققاواتێ سێنێب: دبدبه و کبکهبهدهن دۆشۆب، پر و بالش شکسته، غرورش ریخته
2. سۇیۇن شاققاواتێ سێنێب: سۇ بیر آز هنیرلهنیب، یاندێرێجێ سوْیۇغۇن الدهن وئریب
3. چوْخ شاققاواتلێ اوْغلاندێر: اۇجا بوْیلۇ و کؤندهورلی آدام دێر
بۇنۇن "شاخ" سؤزجۆیۆندهن دۆزهلمهسی دۆز بیر سؤزدۆر، آنجاق شاققاوات "شاخ"دان ایکی تههر دۆزهلهبیلهر:
1- شاققاوات=شاققا+وات نئجه کی وارێمێز: پوْخلێ+وات=پوْخلێوات، پوْخلاوات
2- نئجه کی بعض کندلرده دئییرلر بۇ شاققاناد (شاققانات) دێر: شاخ +قاناد (قانات)=شاخقاناد و بۇ ائله شاققانادێ سێنێب ایله اۇیقۇن گلیر.
دئمهلی بعضن بۇنۇن یئرینه "شاققانا" دا ایشلهنیر.
شاققاناسێ سێنێب
پینار یایین ائوی - زنگان
آدرس انتشارات پینار در زنجان :
فلکه دارالقرآن - خیابان امامت - روبروی دانشگاه پیام نور - انتشارات پینار
مسئول شعبه سعید شیخ السلامی
۰۹۳۵۷۲۸۳۹۲۳
شعبه جدید انتشارات پینار در کرج:
چهارراه طالقانی - طالقانی جنوبی - جنب لوستر فانوس - ساختمان کاکتوس - واحد یک
تلفن : - ۰۹۱۲۳۴۱۶۱۸۳-۰۹۳۵۷۲۸۳۹۲۳
نشر و توزع کتاب
فروش کتابهای ترکی و ...
خدمات چاپ کتاب زیر نظر کارشناس ارشد ادبیات با ویراستاری رایگان
باکیفیت بهتر و قیمت مناسب کتابهایتان را تحویل خواهید گرفت .
قره آغاج بازاریندان بیر نئچه شکیل
