اؤجه شمه لر:

1. هاوا خوشدور                   خجه نوخوشدور
2. ناواخ                               بورنون یاماخ
3. قاسیم                              سنی ایگده آغاجیندان آسیم
4. اوسوب                           قولاغلارون قوسوب
5. باریش                            قولاغلارون قاریش قاریش
6. یئر آلما                           به سنه دئمه دیم آرواد آلما
7. چاریخ                            بادیمجان اک بیر قاریخ
8. قارپیز                            آشووا تؤکوم یارپیز
9. قاپیق                             اؤز-گؤزو چاپیق

         10.  پاس                              سؤزومه قولاغ آس

باشماق ایچینده توی توتماق: چوخ سئوینمه ک و شاد اولماق، چیرتدیک وورماق

اولو تانرینین آدیلا

بو گون یازین اون اوچو (سیزدهی) دیر بو گون بئله مرسوم اولوب کی بیر نحس گوندور و او گون ائوده قالماق یاخچی دگیل، آمما گؤره ک بیز تورک بابالاریمیز بو گونه گؤره نه ایناملاری واردیر. بایرام آیی نین اون یئتدینجی گونو من چاراویماغدا کندیمیزده ایدیم هاوا خوش و یئل اسیردی قوجالارین بیری دئدی "بو ایل اکین یاخچی اولار" اونو سؤزه توتدوم کی داها نه بیلیر دئدیم حاجی نجور و نه بیلیسه ن؟

دئدی: "اوغول بوندان قدیم آتا-بابالار دییه ردیلر بایرام آیینین اون یئتدی سینده یئر قیش یوخوسوندان آیینار و بو گون یئره حیات نفسی گله ر و اگر بو گون دومان گلسه اکینه جک (گوزلیک لر) یاخچی اولماز نییه کی یوخودان گئج آیینارلار، آمما یاغیش یاغسا یا قره بولوت گلسه و یا یئل اسسه او ایل اکینه جک یاخچی و حاصیل لری چوخ آرتیق اولار"

دئدیم آخی دییه رلر یئر یازین اون اوچونده دیریله ر

دئدی: "اون اوچونده دا هامی زاد جان آلیب هر زاد اوناجاق دیریلمه سه، گؤیه رمه سه داها دیریلمه ز و او ایل او محو اولمالیدیر، ائله قدیم کی لر بو 25 گونو یئرین نفس آلماق گونو و دیریلمه ک گونو بیله ردیلر و 13 ونده ن 25 آخشامیناجاق دا ائرمنی کیفری دییه ردیلر.اصلی ائرمنی کیفری ائله 25 ین آخشامی دیر، آد ندیر و نییه؟ بیلمیره م"

دئدیم آخی دییه رلر یازین اون اوچو نحس بیر گون دیر و بوگون ده ائوده قالماق ایی دگیل

دئدی: "واللاه عومروم 70 چاتیب ائله بیر سؤز آتالاردان و بابالاردان ائشیتمه میشم گون نئجه نحس اولار اودا بو جور یئرین حیاتی تکمیل اولان گون"

اوسته کی سؤزلره فیکیرلشه نده بو مراسیمین آذربایجان چوخ اویاری اولماغی حتمی دیر و ائله دوزگونوده بئله دبر آذربایجان دا بو چاغلار یئر جانا گلیر دیریلیر و بو اؤزو گؤرسه دیر بو مراسمیلر آذربایجاندان دوغولوب و الا ایرانین مرکزینده ن اولسایدی گره ک بهمن نین سون گونلری اولئیدی، بوندان بئله اله گلیر کی تورکلر آراسیندا بو گئن نحس دگیل بلکه فارسلاردان بو فیکیر گلیب. و یا آیری خورافاتدان.

1.      چؤره ک داش ائله مک: نون بریدن، قطع درآمد کسی

2.      او کیشی وصیت ینده اوغلونا بیر دام چیخیب: او ... اوغلونا بیر دام وئریب

3.      باش یون اولماق: باش آغارماق، آغ آپپاق اولماق

4.      کؤتوک قویماق: داش قویماق، بینوره قویماق

5.      کؤتوک آتماق: مانع تراشیدن، باعث تاخیر و تعطیلی کاری و امری شدن

6.      سفه قویماق: پشت سر کسی حرف درآوردن

7.      زققوتوم: زققوم، زهر-مار

8.      یونگول تخته: اصطلاحا آدم سبک و بی شخصیت

9.      پئزی قولو: بوینو یوغون، چخیر و زیرپی

10. تئل ماشا: گیره سر

11. آغیر اول باتمان گل: شخصیت ین اولسون، آغیر دولان

12. پیسمیریک: زئپئرتی، پیسی گرفته

گؤیه رچین

دییه رلربو اوچار آیدا بیر جوت جوجه چیخاردار آمما صفر آیی جوجه له مز. بونو کندیده گؤیه رچین ساخلایانلارین هامیسی دئییر

قمر قویروق قوچ: بو جور داوارین قویوروغو کوکه له نده یونو توکوله ر. بو داوارین ایسته یه نی چوخ اولار و دامازلیق ساخلاماغا یاخچی دیر دولو(بالاسی) ایری و داشلی اولار. قمر قویون و قمر قوچ دا بوجوردور آمما یونو توکولمه ز.

شکیل ده کی قوچون قویروغو چوخ یئکه دگیل و نرمالدیر آمما ایه ر ائله یئکه اولا کی سینگیری اوسته دوشه و حئیوان آغیر یول گئده اوندا دییه رلر : "شلپه ک"دیر.

قیش دا کرمه ییغینی:

پیر بولاغی و صولة السلطنه

بو کی پیر بولاغی ندیر و هاردادیر اونا گؤره کامیل دانیشاجاق آمما صولة السلطنه کیمدیر؟ و هاردا و هاچاغ اولوب ائله اطلاعات الده دگیل من چالیشیرام بو شخصیته گؤره بیر آز معلومات اله گتیره م آنجاق ایندییه دک یالنیز بولاری تاپدیم: او سریک-پئیک والیسی و خانی ایمیش قاجارین سون ایلله رینده و رضا پالانی نین ایلکی ایلله رینده بیر چوخ ماحالا خانی ایمیش دئمه ک خانلار خانی ایمیش او مانیشان و چاراویماغین چوخ پایینا صاحاتی ایمیش و بولاردا اولان خانلار هامیسی اونا مطیع ایمیش لر و قالان ملک لر ده واریمیش من اله گتیره نمه دیم.

بایرامدا بوتون کندلرده ن آق ساققال لار اؤز خانلارینان سووغات الده اونون گؤروشونه گئده رمیش لر، بیر یول کندیمیزده بیر قوجا دئییردی (من اوشاغیدیم و ایندی او آللاه رحمه تینه گئدیب) بیر ایل قیش چوخ یامان اولدو اوت علفیمیز قوتولدو شوش (کندیمیزده داغ آدی دیر) بؤیرونده مناجاتا چیخدیک آغلاییب آللاه یالواردیک قیشی قوتارسین مال-داواریمیز آجیننان قیریلدی، سونرا داغدان ائندیک گلدیک صولا سلطنه نین سووغاتین ییغیب قاری یارا-یارا اؤزوموزو سریک-پئیکده خانلار خانی نین اوتوراجاغینا یئتیردیک بیزه چوخ حورمت ائدیب او چاغدا گئدمه گیمیزین نده نین سوردو، دئدیک سووغات لاری آلیب دئدی گئدین بایرام توتون گلدیک بایرام ائتدیک هله قیشده ن 20 گون دن چوخ قالیردی، هاوا آچدی و داواریمیز اوتلاماغا کؤیشه نه گئتدی.

اوجورکی ائشیت میشیک مردومو چوخ عزیز توتاردی و خانلارا ظولم اجازه سین وئرمه زدی، و چوخ وارلی و طمطراق لی ایدی ائله کی اوغلونون تویونا رضاپالانی نی دا چاغیریر امما او دئییر گلمیره م و گیزلین شکیلده گلیر و اونون طمطراغین و وار مالین گؤره نده دئییر بو قاجار باراتاسی دی و اولاردان قالان گره ک عزل ائده م تهرانا قاییدیر و اونو عزل ائدیر وار یوخون مصادره ائدیر، بوننان سورا خان ائله اوردا یاشاییرمیش و یالنیز بیر نوکری یانیندا قالیر و کندیمیزین او قوجا کیشی سی دئییردی من خانی عزل اولاندان سونرا بیر گون ائششه گ اوسته و چوبوق الینده گؤردوم-چوخ چوبوق چکه ردی- سالام وئردیم جاواب آلدی آمما باش قورامادی یامان گونده ایدی نوکری ده قاباغدان گئدیردی، نئچه گونده ن سورا ائشیتدیک اولوبدور دئدی لر نوکری چوبوغونا سم قاتیب.

بابام رحمتلیک دییه ردی بابامیزین بیر عرب آتی واریمیش صولا سلطنه نین نوکرلری اونو آلیب عراقا گئدیرلر اوقده ر آتی چاپیرلار آت قاییدیب گله ن همه ن چاتداییر. آمما بیله م خان پولون وئریر.

آمما پیر بولاغی :

بیزیم قونشو کندیمیز پیرزققه (پیرسققا-پیرزاققا) کندینده کندیده ن بیر ایکی کیلو متر آرالی بیر کمر وار چوخ سیلدیریم بونوو جاریندان بیر بولاغ چیخیر کی اونا "پیر" دییه رلر، بو کند قره آغاجدان 40 کیلو متره جاق جنوب غربه آراسی وار. آمما بو بولاق عادی و همیشه لیگ بولاغ دگیل و ائله بونون عادی اولماماغی اونون "پیر" آدلانماسینا سبب اولوب ائله کی بو بولاغین گونده یالنیز دؤرد دؤنه سووو گلیر و سونرا ائله قورویور کی ائله بیل بوردا اصلا سو و بولاغ یوخوموش. و هر دؤنه یاریم ساعاتاجاق بول و سویوق سو آخیر ائله کی اوندا چوخ ال ساخلاماق اولماز. ایندییه دک بو بولاغین سببی و نده نی تاپیلماییب، تحقیق لر ده اولوب آمما دوزگون بیر دلیل تاپیلماییب.

بو بولاغین بئله اولماسی و اونون هردن آخماماسی بئله بیر اینام یارادیب کی بو بولاغ پیس آداملار اؤزونه آچیلیب و آخماز. و ایندیسه بیر توریستی یئرده اولوب دؤیره کندیلرده بئله دیر کی اورا کئده ن بیر دیری چپیش و یا آیری حئیوان آپاریب اوردا کسیب پیشیره رلر و اتین یاریسین دا شوربا ائده رلر، اوردا یئییب قالانیندا گتیریب کندیده پایلارلار.

آمما اؤز سؤزوموز:

دییه رلر بیر گون صولا سلطنه کی پیرین تعریفین ائشیدمیشدی دئییر منده اورا گئدمه ک ایسته ییره م، بیر های-هوی و طمطاراقیلا اورا گلیر آمما بولاغ آچیلمیر بیر هفته اوردا اوردو وورور بولاغ آچیلمیر آنجاق نایمید اولور و قاییدماق ایسته ییر آتینا مینیر و یوز متره جاق آرا آچیر کی نوکرلر چاغیریر آقا آقا قایید بولاق آچیلدی، صولا سلطنه دئییر: آی بالا او سیزین اوزوزا آچیلیب منیم کی یوخ اوتوران و ال ایاغیزی یوون من گئدیره م و یول باشلاییب گئدیر.

کورسونون ایستی تووو هله بوش قالماییب سیزده بیر گون بیزه قوناق گلین گوزله ییریک. انام هر گون اود ائله ییر ایستی دی گون تک.

1-   دییه رلر تولکی سانجیلاناندا وققیلده یه ر و اونا گؤره بیر نفر های-هارای سالاندا و چیغیر-بیغیر ائده نده دییه رلر: اولان نه تولکی کیمین وققیلده ییسه ن

2-   اؤزون ووروب تولکو اؤلومونه: دییه رلر تولکونو ووراندا تئز اؤزون وورار اؤلومه کی دئسینله ر اؤلوب و اونو بوراخالار و اودور بیر نفر ایش آلتدان چیخمه گه و یا بیر زاددان قاچماغا اؤزون کئفسیز گؤرسه ده اوندا دییه رلر: اؤزون ووروب تولکو اؤلومونه

3-   نه ایشین وار تولکوده تولکو سنی هورکوده: اوندا دییه رلر کی بیر نفر اونا باغلی اولمایان ایشیه قاریشیب و اوندان ضرر گؤره.

4-   سوخوشدورماق: طعنه و کنایه ایله دانیشماق، بیله سینه سوخوشدورور

5-   یامان: فحش و بد وبیراه، حرف درشت و زشت# بیله سینه یامان وئردی: بیله سینه سویوش دئدی،# یامان دئمه ک: بد و بیراه گفتن#آیری آنلاملاری: 1- زرنگ: یامان آدام: آدم زبر و زرنگ# 2- پیس، یاوا 3- علاجسیز درد#یامان-یارا،4- یامانلیق: بدی#من سنه نه یامانلیق ائله میشه م، 5- سخت: یامان هاوادی: هوای سختی است، یامان گونه قالاسان، 6- یارا، درد: آی سنی یامان چیخارداسان# آللاه بو جمعین اوستونه یامان یئل اسدیرمه سین(احتمالی وار یامانلیق یئلی اولا)

6-   اؤلومونه ووردو: تا حد مرگ زدش، تا می خورد زدش

7-   ایتی چؤره ک یئمه ک: تند تند غذا خوردن

8-   وورویان اؤلور کیشله ییرسن گئدمیر: شتر مرغ شده

9-   گونه باخان: گل آفتابگردان

10-                      لایان: فحش ناموسی، فحش رکیک

11-                      گؤزونه گون دوشوب: چشمش آفتابزده شده

12-                      نه قورتدان قورخور نه ایتده ن قاچیر: از هیچ چیز و کسی باکی ندارد.

13-                      بیز اوشاقلیقدا بو اویونلاری اویناردیق:

   آششیق اویناما: 1-دانقا آتدی، 2-قله شه، 3-باشا دؤیدو

   چیلینگ آغاجی

   گؤز یومماجا

   توپ اره بی

   جیز

   تولا دؤیدو

   قجه مه داشی

   موزو (تیله)

   دوگمه-دوگمه

   خورججیک

   ال یومدو(گل یا پوچ)

   لوپورتداشی

عزیزیم یاز آغلارام                       یای آغلارام یاز آغلارام

اوره گین ده مین درد اولسا              مکتوبوندا یاز آغلارام

گونده نه هنر وار قیزدیره بو عالمی گونده

قیزدیره ن قیزدیریری گون وئری گونده

تندیر پوللانیب آنام ایسته ییر کوکه پیشیره-بویوروز

آقا میر کریم (میرکریم میر محمدی)

بیزیم ماحالدا لاپ تانینان آد و هامی آراسیندا بویوک ایحتیراما صاحاب اولان بو گؤزه ل و اوره گی یانان سئیید اوجور کی بللی دیر مرند هنده وه رینده ن بیزیم کنده گلیب و 1363 اینجی ایلده قوم شهرینده غوربتده جان آللاهینا تاپشیردی.

کیم بیلمیر او سئیید هاردان و نجور بو کنده گلدی و کیمی واریمیش و نییه گلیب آنجاق اللی ایل بوندان قاباق و یا اوندان دا آز بیزیم کنده گلیب و ائوله نیر بو ائوله نمه کده ن آللاه اونا اوچ قیز وئریر(سکینه، ربابه و فاطمه) آمما آروادی تئز اولور، سئیید آیری بیرآرواد آلیر.

سئیید مستجاب الدعوه اولماسایدیدا آمما چوخلو دوعاسی قاییدمازدی، اونا گؤره مردم آراسیندا چوخ حورمتی وار ایندیسه ده هر مجلس اولا، هر خئییر ایش اولا اونون صلواتی و دوعاسی اونودولماز، و هله ده نذری و اوجاغینا گئدمک چوخ چوخ واردیر دوزدو قیزلاریندان ایکیسی "تهرانا" "قوما" کؤچوبلر و او بیریسی ده ایلین چوخ پایین "قوم"دا اولار آمما اوجاغی آچیق و نذری … واردیر.سئییدین قومدا غریب اؤلمه گی اونون اؤنه مین آرتیریب و اونا امام موسی کاظم مرثیه سی اوخورلار و بیر اؤزه ل تؤره ن عاشورا گونو قاپیسیندا اولار بئله کی: یاس دسته سی زنجیر وورار و نوحه دییه ر سئییدین قاپیسینا گئده رلر اوردا قیزلاریندان یا نوه لرده ن چادرا باشی آتیب قاپی آغزیندا اوتورار و دسته مرثیه دئییب سینه وورارلار. بیر جاردان سورا شربت پایلارلار بو شربتی ده مردم وئره ن نذریلرده ن دوزه لده رلر سونرا بیر شخص (هر ایل او اوخور) بو مطلع ده بیر نوحه اوخور: "خوش گلمیسیز عزیزان بو بی ریا عزایه    قان آغلایین اولونجه سیز میر کریم آغایه" بو نوحه قوتولاندان سورا دسته مچیده ساری یوللانار.

سئیید یاخچی لیغا مشهوردور دییه رلر چوخلو نئچه گونده بیر باش قرآن چیخه ردی و مردوما چوخ یاخچیلیق ائده ردی. بو بویوک سئییدین ایندیجه یوزه (100) یاخین ائولادی واردیر(قیز، نوه، نتیجه و ...)

بو سؤز بیزیم دؤیره نین بوتون مذهبی مراسیملرینده دئییله ر: " آقانین و آقا میر کریمین حاقیندا صلوات" او آقانین مزاری "قوم" شهرینین "بهشت معصومیه" آدلی مزارلیغیندا قویلانیب. و جوما آخشاملاری چوخ دوعا وئره نی اولار.چوخ آداملار حاجت لری برآورده اولسون سئییده یس و ... نذیرلر دییه رلر. او ارکلی و گؤزه ل سئییدده ن ایندیجه یالنیز بیر ایکی شکیل(فوتو) واریمیز. آتا-آنا دییه ر آقا دییه ردی مره ندیده باجیم و عمه م واردی و بیر یولدا اولاری گؤردوم آمما بو کی نجور اولوب بورا گلدی بیر سؤز بیلمه دیک دئمه لی چاراویماغدا چوخ زنگین و آغیر نفسلی سئییدلر واریمیش و ایندی اولارین اوشاقلاری قالیر و بیر نئچه سی ده دیری دیلر. "طالیب" کندی سئییدلر کندینه تانیلیردی "حاجی میر آبطالیب (ابوطالب)" "حاجی میر اشرف" سئیید محسن و آیریلار کی ایندیده اوجاقلاری یانیر. هامیسینین روحو شاد اولسون و قیامتده جدلرینه ن محشور اولسونلار. آللاه اولارا رحمت ائله سین.

بایرام آیی کئچدی یاز گلدی ایندیسه قوزولار کومنه ن چیخمه گی گوزلیرلر بو گونلرده اولارین اوز یا قولاغینا داغ- دوروف قویوب اولاری کوزده ن چوله چیخاردارلار و بو ایش چوخ ماراقلی و اوشاق سئودیریجی بیر ایشدیر قوزولار مله شیب هورکه رلر دره سو دان کئچمه زلر اونا گوره نئچه بویوک حئیوان اولارا قوشارلار کی یول باشا وئرسین لر.

 محو ائدیریک       

گــــور نئجه محو ائـــدیریک سیگارینان جا نیمیزی

                         قــــاتیــریق هـر دودونان جسمیده کی قانیمیزی

گـــئدیـــرک کــافّـه لـــره صحــبـته اعـیـانی آچیپ

                         دئـیـیـریــک کــافّه چـیـیـه وئر بیزه قلیانیمیزی

سینه یه توسکودولوب عطسه یه هیچ یوخدوماجال

                        دئییریک چــای ایچیریخ دولدورون قندانیمیزی

او زامـــانـیکی یـئـتـیـردی اوبــایـا نـازلی قوناق

                      ســیگــاری بخـشـشـینن خوش دئدیک مهمانیمیزی

اجنبی سیگاری هر مدلا چیخاتدی بیز اوچون

                      بیـز چئکیب چوخلو سئویندیردیخ او شیطانیمیزی

جـــان بیزیم پــولدا بیزیم خانه خراباتی بیزیم

                      بــو صـفــائـیـلـه اونــا ائـیـلـدیــک احـسـانیمیزی

سیگارا بوسه ووروب پوزلومودوچئکدیق اوزه

                       بـــو مــُدیـلــه اوشاقــا سـویـلـدیـک فرمانیمیزی

یوسفین داش قلمی یازدی عجب باشقا سوزی

                    بـلــکه بــیـر آن آزادا  پـیـس یـولا قــوربانیمیزی

      یوسف پورعظیم شوطی 8 -1-86 

   بايرام گونو

بايرام گونوشادديخ دوشوب ائللره

يــئـلـلــر ائسر داراخ اولار تئللره

خوش آوازلار دوشر قشنگ ديللره

                       آنالاردان آتالاردان گـــوزه ل پاي

                       يولا دوشر گئلرگوزه ل بيزه ساي

گوروش ياخجي دوشوب مللت ايكينده

اوجــالانـــدي يـاشـيـل سبزي اَ ئكينده

گـــــولـــر لالـــه تــپــه لـرين ديكينده

                   گئزه ر ياخچي گول ايكينده اوشاقلار

                  آچار نـــوروز سوزون ائوده قوناقلار

گلين قيزلار باخار گئلميش پايينا

دئــيـر گــلميش پاييني اوز تايينا

بير ده باخار پولون ديققت سايينا

                    ائـــدرنـــاز چـوخلاما نازينه راجع

                    اُلار بولبول گوزه ل سازينه راجع

بايرام گونو يومورتالار بوياندي

چُولده گوللرگوله باخيب اوياندي

قـــوجــا بـابـا ياستيخلارا داياندي

                 يئمخ اوچـــون يومورتاني سُوياللار

                 رنگي ووروپ هئيده اونو بُوياللار

نـــــــوروز گــونــو چولده گوله قاچالار

گُوروشمغه چُوك قــاپـيــنـــي آچــاللار

گولمغ اوچون هرده ن بيرين ساچاللار 

                  قــــُوناقلاري بير بير يُولا سالاللار

                  قيز اوغلانلار بايرام پولون آلاللار

دسته دسته ائشيهده چُوخ گئزه للر

يومورتاني قيرميزي مُد بئزه للر

دُيوشنده حتمن بــيــرين ائزه للر

                 آي نه گوزه ل گوندو بو گون بيزلره

                 تبريك اولسون بايرام گونو سيزلره

بايرام گونو قـــيزلار گئيير دُونونو

بيـــر ايـكينيـي ساييب پايين اونونو

تبريك دييه رهاممي بايرام گونونو

                    بو گونلرده ائوده سوزلر چوخ اولار

                    قوش قوزولار تازه اوتو هئي يولار

گئده ن گونلر گئديب الده ن تمامدور

آچان گوللر سيزه ائلده ن سلامدور

دئيير تبريك يوسوفده ن بو پيامدور

                     گوزه ل سوزلر دئديم يازديم اُوزومه

                     دئيللر آفرين بــيـر گـــون سُــوزومه 

 يوسف پورعظيم شوطي –سه شنبه     

قایناق: http://shutdudadash.blogfa.com/

 گؤزو گئن: گئن و بول خرجله یه ن، خسیس اولمایان

گؤزو دار: تنگ نظر

آلنی آچیق: large man

اوره گی یانان: دلسوز

اوره گی یومشاق: دل نازک، نرم دل

الی آچیق: دست و دل باز

الی اوزون: یاردیم ائده ن، اؤزگه ایشینه ال آتان

الی گوده # الی اوزون

الی باغلی# الی آچیق

الی یونگول: باشلایان ایشی تئز باشا چاتیران، الی خئییرلی اولان

الی آغیر# الی یونگول

ایاغی یونگول: گزیب دولانماغا زیرینگ و جلد اولان، قدمی خئییرلی اولان

ایاغی کوت: آغیر یول گئده ن، دوز یئرییه نمییه ن

قلبی قره: شکاک، ناموسونا گؤره چوخ تعصبلی و غئیره تلی اولان

اوزو گولر: خندان

گوله غان: چوخ گوله ن

قاش-قاباغلی: اخم و تخم کرده، ناراحت

دیل دوداق ساللاقلی: قاشقاباقلی

به منیم نه پاییم وار؟

قان قان

بایرامیز قوتلو اولسون

ایتیرمیشم وار یوخوم آغلاییرام

بیلیسه ن نه لر اولوب؟ آیلار بویو چالیشدیم اوت ییغیب تایا ائتدیم تایا یاندی کوله دؤندو، امه گیم زای اولدو.

دؤرد ایل کورلوغا قاتلاشیب اوشاق بئجه ردیم اودا نه جور اونا بونا باغلی اولاراق ایندیسه کی ایاق آچیب دئییب گولوردو و من اونو گئل تک ساخلامیشدیم بیرده ن بیره اؤز گؤزومون قاباغیندا قانا باتدی اؤلدو ایتدی، و من ائله بالاسی اؤله ن آتا آنا کیمی ایندی داغلییام وای منه نییه بئله اؤلدو.

یاتیرام سؤزجوکلر گؤزوم قاباغیندا سیره سالدی گلیب کئچیرلر و ائله دئییرلر نده نسه بیزی آتدین، دوم دورو آتالار سؤزوم آغلاییرلار، آنام دییه ن ناغیللار منی چاغیریرلار هامیسین گؤروره م بیر قیره لن ایپیله درین قویویا دوشمه کده لر وای منیم 5000 سؤزجوکلریم آمما نه فایدا؟

ایندیسه دیز قوجاق لاییب اوتورموشام بیر کونجوده گوده رم نه اولا بیلمیره م؟ آخی نجور اولار بیر یازی کی یوخ بیر درایوین بوتون دئیتالاری بیرده ن سیلینه ن ائله کی کیمسه اونا ال وورمادان اؤز اؤزونه اوجور اولا.

تر گلیر منی باسیر آز قالیر بوغولام. بیله می خیس توتور نفسیم قبس اولور..  

فوتو قایناغی: http://turfan.blogfa.com/